Kaca:Menak Kanin.pdf/131

ingsun iki utang urip
marang Sahsiyar iki
iya sun aku sadulur
ibune si Sahsiyar
iya ingsun aku bibi
aweweha padha sakuwasanira.

16. Miwah yayi karo sira
    mangkono parentah mami
    Retna Muninggar ngandika
    bibi tutugena ugi
    gonira gawe becik
    ingsun milu ngaku biyung
    andheku nini randha
    angling rajaputni Mesir
    iya ingsun bibi mily ngaku biyang.

17. Sang putri kalih utusan
    miwah sagunging para ji
    pra samya ngambil barana
    utusane raja putri
    ingkang prapta rumiyin
    dinar pitung atus pikul
    pan pitung puluh yuta
    paparinge Muninggarin
    putri Mesir paring patang puluh yuta.

18. Kajawi wastra busana
    peparing saking sang putri
    miwah inten lan pakaja
    mutyara nila widuri
    utusane para ji
    ana prapta ana durung
    nenggih kang sampun prapta
    paringe ratu pangarsi
    pan anyatus wong estri kalawan priya.

19. Kalawan sanjatanira
    leskar kang saking para ji

129