sawusira ngabekti
samya nebih dennya lungguh
dheku kang para raja
tan dangu gumrah ing jawi
praptanira Muninggar Sekar Kadhatyan.
Wus tedhak saking dipangga
sira rajaputri kalih
gurawalan manjing wisma
nungkemi pada sru anjrit
kathah sesambatneki
sang rajaputri Medayun
miwah sesambatira
sira rajaputri Mesir
nyai randha gegetun kaya matiya.Dene ta sewu tan nyana
yen puniku Jayengmurti
pangakune pan satriya
satriyane Jayengmurti
arane Sayid Sami
iki jebule ngendhukur
Wong Agung Kakungingrat
bisa temen angalingi
nyai randha kekes rumab ajrih perak.Miwah sira Ki Sahsiyar
anjenger tan bisa angling
kamitenggeng solahira
sangsaya gung ratu prapti
gantya sami ngujungi
Sahsiyar lan ibunipun
kesah-kesah tan kena
kinen tetepa alinggih
parek munggeng ngarsane Sang Kakungingrat.Ngungkuraken para raja
Wong Agung ngandika aris
heh sagunging para nata
128
