Kaca iki wis divalidasi
VII. Wong Agung Kondur dhateng Kaos
- Sinom
- Ing marga datan winarna
lampahe Marmaya prapti
pasamuwan bala tantra
lagya yun-ayunan jurit
Umarmaya sesirig
kagyat sagung para ratu
rinubung Umarmaya
pra samya tetaken warti
Marmaya ngling pan maksih ana agesang.
- Aneng gunung alit kana
ing Mandhang Surukan nenggih
kanine pan wus waluya
kari lesune kang maksih
ya ta sagung para ji
tangara pangluwar wuyung
juru kedhang sadaya
salin panabuhe sami
pratandhane yen mari prihatinira.
- Wus ayem dening pawarta
Umarmaya muwus aris
heh sagunging para nata
satriya miwah bupati
Sapa arsa udani
ing gusti sakarepipun
125
