Kaca iki wis divalidasi
Miwah ta sang rajaputri
kalihe diweng karuna
Muninggar Sekar Kedhaton
tan tolih tadhah anendra
Wong Agung angandika
ingsun kakang maksih lesu
sira bae kang dhingina.Wartanana kang para ji
apa misih rame aprang
Sang Tasikwaja ature
inggih maksih saben dina
rame abanda yuda
dereng wonten mendhanipun
bantuneng mengsah gung prapta.Nanging rayi Tuwan prapti
yayimas ing Parangteja
kang Ungaran sabalane
wadya ingkang saking Mekah
sagung kang para nata
mila wonten asrepipun
mengsah sami darbe taha.Wong Agung ngandika malih
lah uwis kakang den enggal
matura ing yayi karo
Muninggar Sekar Kedhatyan
amit Ki Umarmaya
sigra nampel wentisipun
mesat tumruna lampahnya.
124
