19. Datan keni winuwus kehing wadya Byah
myang sagunging para ji
mungsuh seserayan
ratu kang angreh raja
Puldriyan Parisdan Sulbi
tanpa wilangan
balane angebeki.
20. Pamukira tempuh prang tabah-tabahan
tan wrin manggih pepati
riwuting paprangan
prahara haru-hara
karubiru borak-barik
gajah gelasah
kuda kedadak mati.
21. Kadya tambak bangkening turangga liman
bihal senuk lan kuldi
memreng balekdaba
unta lan adal-adal
andaka makethi-kethi
mayuta-yuta
angrob samodra getih.
22. Ngiwat-ngiwut pamuke Sang Kakungingrat
yayah andaka kanin
luwesing turangga
nenggih Sekarduwijan
pamedhange ngowak-awik
ngrampas amapas
murdaning pra dipati.
23. Pira-pira pepati timbun matambah
dening Sang Jayengmurti
sadina tan kena
uwal kang bandayuda
maksih ungkih liru titih
arok wiletan
malah wus prapteng wengi.
104
