35.
Inggih mangsa wandeya pun Kakungingrat
kula kang nyepeng mbenjing
ingkang nembahena
inggih ing padukendra
sampun tuwan wancak galih
apan kawula
mbenjing ingkang mungkasi.
36.
Duk miyarsa Mahaprabu Saesalam
ature Kyana Patih
Sapardan mangkana
suka lejar tyas nata
iya mangkono patih
wiyahen uga
yen ora kotemeni.
37.
Sapa maning Sapardan yen dudu sira
mungkasi gawe iki
ratu ewon leksan
wus katog tanpa guna
eman praja den ratoni
apes ing aprang
siji tan angudhili.
38.
Singa magut kapikut ngringkuk kabanda
si raja Ngarab iki
lamun pinaluta
iya kang padha guna
pira kadare pan cilik
yen temenana
suwe amecah ranti.
39.
Tan kawuwus ing dalu enjing tengara
gubar gurnang thong thong grit
kendhang gong wurahan
umyang maguru gangsa
kang baris wendran umijil
arebut papan
lir wutahingjaladri.
