Kaca iki wis divalidasi
tanggap
tak kira batihmu tanggap tumapaking pangajap
nalika rudhal mubal nggawé gedibal
méja catur sumawur wisané nyembur
kathik anteng jinem gendéran swarané ulem
tak kira jiwamu njola selaginé krura rebutan doaya
wétan kulon dolanan granat lan mriyem
awit krénah murka sing tanpa bebana
wengi sari éndahé angresep ati
batihmu nglaras nguthuti ceki
tilingna welingé bumi pretiwi
rungkebana wangsit rungsit pustaka sing dianggit
najan bruwang unta nggodha sinangga krama
tekemen jaja kencana maésaning yayah réna
pangukir jiwa raga,
-0-
karanggeneng, 17 oktober 1984
Djaka Lodang, No. 637 Th. XIV
Sabtu Paing, 1 Desember 1984, kaca 35
Muryalelana ~
23
