Kaca iki wis divalidasi
4
• St. lesmaniasita - Mawar Mawar Ketiga
MUNGKUR PERTEMPURAN
Kapan jumledhoring pelor wis sirep
kaku dheweke ngadeg njegreg
angeting laras bedhil kang disikep
angeting getih mili saka tatu-tatu
ngileni sarandhuning awake
prajurit kang unggul jurite
Kapan wis mungkur tawuran pertempuran
dirungu sesambat lamat-lamat ngaruara
saka korban-korban kang isih kelaran
saka korban-korban kang wis tanpa nyawa
antarane tunggul-tunggul klapa
tanah ngare ngilak-ilak jembare
dideleng kaya guwa peteng lelimengan
bareng gemontanging tangise
lan eluh kang jumbuh klawan getihe mungsuhe
lan eluh kang jumbuh klawan getihe sedulure
☐ 1964
