Kaca iki wis divalidasi
• St. Iesmaniasita - Mawar Mawar Ketiga
45
IDEALIS
apa pikolehmu kloyongan
selawase iki?
Mung katresnan
Katresnan kang sawarna langit lan samodra
Apa asiling pangudimu
selawase iki?
Mung guritan
Guritan kang nebus sakehing utang
Apa kang kokdarbeni
tembe buri?
Aku ora ngerti mitraku
Aku ora ngerti
Mung Ibu tansah ngendika
yen saben menungsa biyen lair wuda
ora darbe apa apa
□ 28 Januari 1969
