Kaca iki wis divalidasi
44
•St. Iesmaniasita - Mawar Mawar Ketiga
KILAT
nyatane pancen ana cumlereting thathit
nembus wengi larut
madhangi mawar-mawar kang nglilir
ngisor tritisan
tritisan mripate penyair
rasane krasa lawang tinothok
rangurangu
kaya obahing tangan
kalane ucul saka luwang putih
apa pancen obahing drijiku dhewe
jogedan mancik undhakaning mesin ketik
nyatane kilatmu nembus kandeling pedhut
ngemu panjelih nesu
geneya dakumbar endahing mawar-mawar,
aruming mawar-mawar
dakumbar
kang tuwuh ketiban tetsing eluhku
□ 1969
