Kaca iki wis divalidasi
40
• St. Iesmaniasita - Mawar Mawar Ketiga
POTRET
dheweke mesem, Tiwi
mandeng mripatku abang pendirangan
omongku kang nlutuh angkuh
antaraning para tamu
dhompolan kembang-kembang alum ana cedhake
oyod garing ngranggeh tembok
kebabing landheping angin ketiga
tanpa pangapura
nanging dheweke mesem, panggah mesem, Tiwi
tentrem olehe mandeng
kokgawa menyang ngendi maneh
menyang ngendi maneh mripatku
taman kang semana edi
wis suwe daktilapake
kanthi lila-legawaning ati
kanthi suka-sukuring ati
kari kembang sauwit alum saiki
sandhing potrete
□ 1968
