Kaca iki wis divalidasi
•St. lesmaniasita - Mawar Mawar Ketiga
13
Ora bakal dakwaleri pandelengmu
mung srana suwek-suwekan koran!
Saben uwong wenang marang uripe
Kudu pisah, pancen kudu pisah mitra
mega rerampak kegawa angin sumilir
banyu kali santer mili ngener pesisir
aja mandheg tumoleh mitraku
aja mandheg tumoleh!
daksangoni mawar-mawar kang megar wengi iki
daksangoni pujiku kang lumintu..."
Dheweke kerep dijarwani wanti-wanti
dheweke kang mesthi gumuyu mangsuli
dheweke kang sumendhe buku tumpuk-tumpuk
Rambute putih mabluk
Mripate juringan rembulan esuk
Sepira nglangute swara guyune!
☐ 1964
