Kaca:Mardi Jawi 2.pdf/97

Saka Wikisumber
Kaca iki wis dikorèksi

B. Kalungguhane ing ukara camboran tunggal
Tuladha :
Nalika / bapak tindak / eyang rawuh
(a)(b)(c)
Katrangan :

    (1). Ukara ing dhuwur iku kadadean saka :
      (a). Nalika= tembung pangiket
      (b). bapak tindak = gatra apola jejer wasesa (S/P) = gatra J/W
      (c). eyangrawuh = gatra apola jejer wasesa (S/P) = gatra J/W

    (2). Nitik pangikete nalika, nelakake manawa :

      — gatra (b) iku nerangake wektu tumraping gatra (c) ; tegese gatra (b) iku dadi andhahane gatra (c), buktine :
        Pitakon : kapan eyang rawuh ?
        bisa diwangsuli : nalika bapak tindak.

    (3). bapak tindak (b) iku gatra J/W kang dadi andhahane gatra JW liya, diarani ukara gatra (anak kalimat).
    (4). eyang rawuh (c) iku gatra J/W kang mengku gatra J/W liya, diarani ukara lajer (induk kalimat).
    (5). nalika (a) iku pangiket.

C. Pangudhala (pangracute) ukara sandbotah tunggal

    (a). nalika = pangiket
    (b). bapak tindak = ukara gatra nelakake mangsa
      — bapak = jejer
      — tindak = wasesa

    (c). eyang rawuh = ukara lajer

      — eyang = jejer
      — rawuh = wasesa