Kaca iki wis dikorèksi
IV. N U L I S
Tulisen nganggo aksara Jawa sing bener !
Paragrap kapisan wacan ing dhuwur iku.
V. UKARA SAMBAWA
A. Gatekna !
-
— Ukara sambawa iku ukara kang nduweni teges : upama, pangarep-arep (pamuji), pangajab (muga-muga), mokal ing bab kalakone prastawa.
— Lumrahe migunakake tembung kriya kang karaketan panambang : a, ana utawa na.
Tuladhane :
- 1). Udana aku ora bisa teka. (tegese : upama udan)
2). Kondura saiki mana bapak. (tegese : ngarep-arep kondure).
3). Udana kae aku sida mangkat. (tegese : sanajan udan).
4). Udana mana karben ijo tandurku. (tegese: muga-muga udan).
5). Kowe maneh bisaa, aku bae ora bisa. (tegese : mokal kowe bisa). - 1). Dak-bubutana suketewis mati saiki. (tegese: upama dak bubuti).
2). Disrengenana mana Sardi, kareben kapok. (tegese : ngarep-arep disrengeni).
3). Dituturana kae Narta ora gelem nggugu. (tegese : sanajan dituturi).
4). Diudanana mana sandi karben enggal lemu. (tegese : muga-muga diudani).
5). Aku maneh dikandhanana, ibune bae ora dikandhani. (tegese : mokal dikandhani). - 1). Ditambakna wis mari, larane. (tegese : upama ditambakake).
2). Diunggahna saiki mana pangkatku. (tegese : ngarep-arep diunggahake).
3). Ko-tukokake sandhangan kae aku emoh melu kowe. (tegese : sanajan ditukokake).
138