Kaca iki wis divalidasi
- Tuladha panganggone panambang a kang nelakake pakon tanggap (kang lesane gumathok) :
— Ombenen wedangmu !
— Jaluken dhuwitmu !
— Tukunen sepedha iku !
— Catheten katrangan iki !
— Wacanen buku iku ! - Tuladha panganggone panambang a kang nelakake :
a. upama :
— Ngretia nek wong ala, ora bakal daktemoni.
— Tekaa esuk mau rak bisa kepethuk karo pimpinane.
b. pangarep-arep :
— Oleha lotre mana saiba bungahku !
— Kondura saiki mana manak kareben priksa kaanan iki !
c. sanajan :
— Udana deres di kaya ngapa aku mesthi teka mrene.
— Duwea dhuwit aku ora bakal nukokake sepedha kowe.
d. muga-muga :
— Dakrewangi nyenyuwun marang Pangeran, kowe entuka kanugrahan.
— Pamujiku ing tembe, kowe bisaa kasembadan kang kokarepake.
e. mokal :
— Kowe maneh bisaa, aku sing wis akeh pengalaman ora bisa.
— Wong liya maneh gelema ngopeni dheweke, adhine dhewe bae suthik kanggonah.
B. Tegese panambang a ing tembung-tembung kang kandel panyithake :
- njupuka = supaya njupuk
- mlakua = supaya mlaku
- tukua = supaya tuku
- pintera kaya ngapa = senajan pinter
48
