Kaca iki wis divalidasi
| Dirja | : | "Arep nylameti 1000 dinane ibuku." |
| Danu | : | "Gedhen-gedhen apa climen bae ?" |
| Dirja | : | "lya mung climen bae. Mung sacukupe bae. Aku ora tau duwe gawe gedhen-gedhenan. Mung netepi adat tataca- ra bae." |
| Danu | : | "Kasinggihan nek ngono. Aku dhewe iya mung netepi, adat tatacara sing wis lumrah katindakake. Sepasaran apa dene nyelapani anakku mung reringkesan bae." |
| Dirja | : | "Aku iya ngono. Apa ta perlune duwe gawe gedhen-ge dhen. Kuwi rak mung mbuwang wragat bae. Ngentek-en- tekake dhuwit kang tanpa tanja." |
| Danu | : | "Mula iya ngono. Tinimbang dhuwit kabuwang tanpa tan- ja, prayoga digemeni. Ing tembe buri dhuwite kanggo ngragadi sekolahe." |
| Dirja | : | "Hla iya, ta. Akeh wong kleru tumindake. Nyepasari apa dene nyelapani tekane sunatan sapiturute digawe ge- dhen-gedhen, nganti direwangi utang-utang. Bubar duwe gawe dodolan apa ta apa kanggo nyaur silihan. Tekan ing besuke anake ora karagatan. Sekolahe padha kapiran." |
| Danu | : | "Ngono kuwi akeh banget, Mas. Ngono kuwi jeneng urip awur-awuran. Kena kaaranan ora welas karo anake." |
| Dirja | : | "Kasinggihan mangkono. Ngono iku malah kanggo jor- joran, kanggo umuk-umukan." |
| Danu | : | "Mula bener tuntunaning Pamarentah menyang rakyate. Kudu padha urip prasaja. Prasaja ing sakabehe." |
| Dirja | : | "Prayogane iya kudu mangkono. Yen kurang pangati-ati- ne ing tembe buri sapa sing bakal ngrasakake rekasane, ora liya iya awake dhewe." |
| Danu | : | "Mula iya abot tanggung jawabku lan tetanggungan pan- jenengan tumraping nenuntun marang masarakat." |
| Dirja | : | "Tenane iya mangkono. Mula aku lan panjenengan kudu tanpa kendhat anggone padha aweh sesuluh marang masarakat. Aweh tuladha, aku panjenengan dadia tetula- dhane wong akeh." |
VI. KASUSASTRAN
_____
45
