Kaca iki wis divalidasi
C. Srekalan = plesedan = blenderan :
- Pitik-pitik kang diedol ana pasar mesthi disrimpungi supaya ora mlayu.
- Krambil-krambil kang dituku ing wong durung mesthi wutuhan, nanging separo utawa saprapirane. Mesthi bae dikepruki, kareben bisa diperang-perang manut sing dituku.
- Buntute mesthi ana ing buri. Ora ana buntut ana perangan sirah.
- Dadi 8, marga lawane 5 karo kalonge cacahe 3.
- Gandhen iku ana endhase,
Manuk bubut iku ana wulune,
Manuk kathik bisa mabur, marga manuke kathik waras. - Wong jajan ana ing dalan ya oleh jajanan sing dituku ngono, ora bakule sing didol menehi pulisi marang sing jajan.
- Ora batal, lah wong asune iku ndilati sikile dhewe, dudu sikile pak kaji.
- Ya mesthi bae ora gelem diklekarake miring, wong Parta iku lagi dadi manten tur durung wayahe turu lan bisa turu miring dhewe.
- Mesthi bae wong nylumbat krambil iku kathokan, lan sing dienggo nylumbat iku dudu kathok nanging slumbat saka wesi utawa kayu:
D. Tegese sanepa ing ngisor iki :
- Pikirane landhep dhengkul
— Dhengkul iku pucuke bujel (ora ana landhepe) mangka dianggep luwih dening landhep,
tegese luwih dening kethul.
— Pikirane kethul banget (bodho banget). - ulate bening leri
— Leri (= banyu pususan beras) iku buthek, dianggep luwih bening, tegese luwih dening buthek
(buthek banget)
— Ulate buthek banget (ora padhang) - Utangé arang wulune kucing
— Wulune kucing iku kerep banget, mangka dianggep luwih arang, tegese
luwih dening kerep.
— Utange kerep banget utawa ngendi-endi ana.
30
