Kaca iki wis divalidasi
| Ibu Sri | : | "lya Ndhuk ? Wis bisa njoged apa bae ? Sing nganti pinter tenan lo anggone njoged ! Pawitane ora kena jelehan." |
| Gendhuk | : | "Lagi bisa njóged sawatara warna : golek, Minak Jingga - Dayun, Kupu-kupu, Gambyong." |
| Ibu Sri | : | "Wah, lah kok wis pirang-pirang warna.! Apa wis tau digebyagake?" |
| Ibu Brata | : | "Uwis Jeng. Malah uwis bola-bali. Etunge gendhuk iku rada kepilih. Jogede mula katon luwes." |
| Ibu Sri | : | "Mesthi bae luwes. Lah sing ditiru sapa yen ora Mbakyu. Anu lo Ndhuk ibu biyen dhek isih timur iya dadi pilihan saka anggone pinter njoged. Yen ibumu biyen njoged, wong-wong padha gumun luwese. Nganti pating domblong sing padha nonton." |
| Ibu Brata | : | "Ah, Jeng Sri kuwi ndhuk, wiwit biyen gawene mung ngalem ibu. Rak iya ta Jeng ? Lah ingkang putra sing wasis njoged 'Kuda Lumping' kae ana ngendi?" |
| Ibu Sri | : | "Ana Jakarta. Ana kana rekane iya ngedegake sekolah joged. Malah sing padha ajar njoged akeh wong-wong manca. Ana wong Walanda, wong Inggris, wong Perancis, Amerika, isih ana maneh Mbakyu, aku kurang dhamang." |
| Ibu Brata | : | "Ngono kuwi aku iya ngerti saka layang kabar. Malah gajege ingkang putra wis mider donya. Tekan Inggris, Jerman, Perancis, Sepanyol, Amerika. Mangkono iku kaemot ana layang kabar." |
| Ibu Sri | : | "Iya, mula mengkono Mbakyu. Critane thole, wong Eropa apadene Amerika iku padha gandrung joged Jawa. Padha sinau njoged Gambyong, Srimpi, Bedhaya. Uga padha ajar njoged kreasi anyar barang." |
| Ibu Brata | : | "Iya mengkono Mbakyu. Wong joged lawas lan anyar kuwi uga padha dene kabudayan Jawa; seni joged Jawa. Joged Jawa iku wis kawentar sadonya. Sapa sing ora gandrung, wong alus lan gambarane kaya ngono." |
VI. KASUSASTRAN
Wangsulane pitakon-pitakon :
1. Tembang Gedhe Anyar iku mung nganggo wewaton:
- Cacahing wanda ing dalem sagatra (kang diarani laku) iku padha bae.
25
