Kaca iki wis divalidasi
- cagak lek = srana supaya betah melek
— Aku silihana bukumu roman, kanggo cagak lek yen bengi. - wedi getih = jirih
— Kanca-kancamu tansah ngece kowe marga ngreti yen kowe bocah lanang kang wedi getih.
C. Tegese saloka iki :
- Gajah ngidak rapah = tiyang ingkang nrajang wewaleripun piyambak.
- Kodhok nguntal gajah = samubarang ingkang langka kadadosanipun.
- Semut ngadu gajah = tiyang alit ngaben tiyang ageng.
- Tengu ngadu gajah = tiyang alit ngaben tiyang ageng.
- Nggajah elar = tiyang ingkang sarwa ageng lan santosa kekajenganipun.
- Kebo kabotan sungu = tiyang ingkang rekaos gesangipun amargi saking kekathahen anak.
- Kebo mulih ing kandhange = tiyang ingkang wangsul dhateng papan padununganipun malih.
- Kebo nusu gudel = tiyang sepuh nedha wuruk dhateng tiyang enem.
- Bebek mungsuh mliwis = tiyang pinter mengsah tiyang pinter, namung ingkang setunggal langkung ubet.
- Kutuk marani sunduk = tiyang ingkang nemaha dhateng bebaya.
- Ula marani gitik = tiyang ingkang nemaha dhateng bebaya.
- Belo melu seton = tiyang ingkang namung anut grubyug kemawon, boten sumerep punapa.wigatosipun.
- Iwak klebu ing wuwu = tiyang ingkang kenging paeka.
- Asu gedhe menang kerahe = tiyang ageng punika temtu menangipun
- Pitik trondhol diumbar ing padaringan = tiyang ingkang kekirangan dipun pasrahi nyepeng bandhà, dangu-dangu inggih gadhah melik.
15
