Kaca iki durung katitiwaca
WULANGAN 3
II. KAWRUH BASA
B. Tembung entar :
1. lobok atine = gampang anggone tetepungan,
ora gampang nesu.
2. jembar segarane = sugih pangapura, welasan
3. lunyu ilate = guneme mencla-mencle, ora kena
diendel.
4. tipis lambene = seneng nyatur wong, seneng misuh
5. entheng tangane = cengkiling
6. gedhe endhase = gembelengan, sumangkeyan
7. ngatonake siyunge = nuduhake panguwasane
8. nggegem tangan = kesed, ora gelem tumandang gawe.
9. lumah tangan = ora gelem cawe-cawe
10. nyolok mata = njarag tumindak kang kurang
prayoga
11. lunyu ilate = guneme mencla-mencle
12. nggedhekake puluk = nengenake pangan, kurang (ora
ana) prihatine.
Ukara nganggo tembung entar :
1. mogel ilate = memangan akeh warna-warna lan
sarwa ena, nedha eca.
- Nalika sukurane kancaku, wah Darna klakon 'mogel
ilate temenan, marga suguhane enak-enak lan mbanyu
mili.
2. ngabangake kuping = gawe muntab
- Tembungmu iku mung sakecap, nanging 'ngabangake
kuping' kanggoku.
3. peteng atine = bundel, sedhih banget.
- Mbakyumu lagi peteng atine, marga ora ketampa ana
SMA.
4. adus kringet = (kanthi) kangelan utawa rekasa
banget.
- Olehku nyambut gawe dakrewangi adus kringet,
ewadene ora bisa nyembadani kabutuhane kulawarga.
14
