Kaca iki wis divalidasi
WULANGAN 1
II. KAWRUH BASA
B
- Saben awal sasi Juli sekolahan-sekolahan nganakake pendaptaran murid anyar kang diarani PMB.
- Murid pindhahan saka sekolahan liya iku lumrahe dites dhisik.
- Wektu pasinaone murid SD ing dalem setaun diperang dadi telung caturwulan.
- Wektu pasinaone murid SMP ing dalem setaun diperang dadi rong semester.
- Murid-murid sing ora mlebu sekolah dicatheti ana absensi.
- Saben guru kagungan daptar kanggo nyatheti murid-murid sing mlebu sekolah kang diarani presensi.
- Daptar kang isi urut-urutan piwulang ing saben dinane diarani jadwal pelajaran.
- Saben dina Jumuah esuk murid, guru, karyawan wajib nindakake senam kang diarani SKJ.
- Saben akhir semester murid-murid wajib melu ulangan kang diarani tes sumatif.
- Saben pertengahan semeslier ing SMP lumrahe dianakake ulangan kang diarani tes-subsumatif.
- Ulangan kanggo njajagi apa kang ndadekake kangelane saben murid tumrap wulangan kang wis dilerangake diarani tes diagnostik.
- Ulangan kang kanggo dhasar mbecikake "proses belajar mengajar” diarani tes formatif.
- Tes kang jawabane kudu milih jawaban-jawaban kang cumawis utawa ngisi titik-titik kang wis sumadhiya iku diarani tes obyektif.
- Tes wujud pitakonan-pitakonan kang kudu dijawab kanthi nerangake sacetha-cethane (uraian) iku diarani tes essay.
- Saben "kelompok belajar” kudu kerep nganakake diskusi ngrembug wulangan-wulangan kang sakira angel.
C. Ukara kang migunakake tembung-tembung sing kandel pangecape :
- Proses belajar mengajar ing saben sekolahan wis ditata kaya kang kapacak ana ing jadwal pelajaran.
5
