Kaca iki wis divalidasi
- a. mbuwang tilas = nylamur nindakake apa-apa supaya aja konangan pialane. b. Olehmu rewa-rewa maca buku iku karepmu rak mbuwang tilas ben padha ora ngerti yen kowe sing mecah ake kaca, ta?
- a. ora ndalan = ora ngerti tata, murang tata. b. Kowe kuwi kok ora ndalan ta, Le! Ana piyayi sepuh lenggahan, kowe numpak sepedha ora mudhun.
- a. ngemut driji = ora oleh-olehan apa-apa. b. lya kowe mau disangoni embahmu, lah aku rak mung /lingemut driji.
- a. padhang jagade = katon seneng (tentrem) b. Yen kowe arep njaluk tulung marang kancamu, ngen tepana yen kancamu wis padhang jagade.
- a. rupak jagade = judheg, ketekan pasaban. b. Wong kang gelem apus-apus iku wusanane dadi rupak jagade, marga wis ora dipercaya ing sapa bae.
- a. entek jarake = entek kasugihane, ilang kamulyane. b. Kepala Kantor kang dipecat jalaran korupsi, saiki dadi entek jarake, mula ora diajeni ing wong.
- a. anjujul wuwul = prakara kang muwuh-muwuhi rekasa, nyela-nyela. (njujul = njaluk jujul/susuk, wuwul = udhu, urunan). b. Kowembok aja njujul wuwul Iki lagi rembugan kang wigati!
- a. ngenaki ati = agawe senenging ati sarána tetembungan manis. b. Dar! Yen kowe wis saguh iya sing temenan, aja mung ngenaki ati thok, Iho!.
- a. nggadho ati = tansah agawe susahing ati, b. Kepenginanmu bab sepedha motor ampeten dhisik, aja nggadho atine wong tuwamu kang lagi sekeng.
- a. atine ana wulune atine ala. b. Tangga kang atine ana wulune iku manawa ana sing wong bisa tetuku barang mesthi gunem ala.
- a. kraket ing galar = mlarat banget. b. Aku iku duwe watak ora seneng ngrusuhi sedulur, mula senajan kraket nggalar ya daklakoni.
63
