Kaca iki wis dikorèksi
- Ana ing crita Layang Seta lan Layang Kumitir awatak drengki srel, amarga ora seneng nyawang marang Damarwulan kang isih kulit daging dhewe. Kosok baline Anjasmara iku watake lembah manah, ngajeni marang sapa bae.
- Nuduhake barang kang ana ngisor aja pisan-pisan nganggo sikil, mundhak diarani wong kang degsura.
C. Kosok baline tembung-tembung :
| 1. katentreman | >< rusuh, dredah, dahuru, hera-heru |
| 2. gemi | >< ngebreh |
| 3. wekel | >< kesed, wegahan |
| 4. andhap asor | >< kumaki, gumedhe |
| 5. kebat | >< satitahe, klelar-kleler |
| 6. blaka | >< dora, goroh |
| 7. ladak | >< lembah manah, andhap asor |
| 8. sabar | >< kemrungsung, kesusu, neson, brangasan |
| 9. beja | >< cilaka |
| 10. gedhen | >< climen |
| 11. nriman | >< ngangsa, ngaya, srakah. |
| 12. rukun | >< crah, congkrah |
| 13. temenan | >< nglirwakake |
| 14. luhur | >< asor, remeh |
| 15. sugih akal | >< cupet budine, putek atine |
| 16. isinan | >< saen. |
D. Pepindhan :
- Lakune lengket-lengket kaya macan luwe.
- Warnane kuning kaya emas sinangling.
- Baguse kaya Bathara Kamajaya tumurun.
- Ayune kaya Dewi Ratih.
- Dheg-dhegan lir tinubruk ing mong tuna, sinambering gelap lepat.
- Wadana melok lir wulan purnama.
- Netra lir baskara kembar.
- Oleh kabegjan kaya katiban daru.
- Swarane kaya mbelah-belaha bumi.
- Suguhane mbanyu mili.
- Sumbare kaya bisa mutung wesi gligen.
43
