Kaca iki wis divalidasi
WULANGAN 5
II. KAWRUH BASA
B. Tembung-tembung kang mathuk karo ukarane :
- Wong kang dadine transmigran jalaran thukul saka karepe dhewe lan wani ngetokake wragad dhewe kalebu transmigrasi swakarsa lan spontan.
- Para transmigran kang asale saka rakyat sadesa komplit karo lurahe kalebu transmigrasi bedhol desa.
- Amrih kasembadane program transmigrasi dibutuhake para transmigran kang gelem rekasa.
- Para transmigran iku bisa dadi urip mulya manawa wekel ing gawe lan gelem nglakoni urip prasaja.
- Palemahan kanggo transmigrasi ana sing dadi areal pemukiman lan areal garapan.
- Palemahan tilas bukakan alas iku lumrahe loh, sabab ngandhut humus sing ndadekake subure tetanduran.
- Para transmigran kang ora krasan banjur mbresot bali mulih iku sing akeh jalaran kesed lan ora gelem rekasa dhisik
C. Tegese tembung-tembung kang kaeçap miring ing ukara-ukara:
- katon cepaka sewakul = disenengi wong akeh.
- rahmating Gusti Ingkang Mahaagung = sih kawelasaning Gusti Ingkang Mahaagung.
- parimarmaning Pangeran = kawelasaning Pangeran.
- berkahing para sepuh = pangestu (pandonga) ing para sepuh.
- pinaringan kayuwanan = pinaringan kabegjan (kaslametan).
- pantes sinudarsana = pantes tinulad (diconto)
- pinaringan katentreman lan karahayon = pinaringan suka basuki / karahayon / kaslametan.
- bisaa mikul dhuwur mendhem jero marang wong tuwamu sakloron = bisaa mulyakake jenenge wong tuwamu sakloron.
- ambeg adigang adigung adiguna = watak kang ngedir-edirake pangkat. kaluhuran, lan kapinteran.
30
