Kaca iki wis dikorèksi
WULANGAN 4
II. KAWRUH BASA
B lsine ukara-ukara:
- Yen wayah lingsir wengi aja seru-seru anggonmu ngunekake tape, sabab.kowe kudu ngelingi butuhing liyan.
- Swasana kampung bisa tentrem lan aman, manawa para wargane bisa srawung kanthi mong-kinemong lan jaga-jinaga.
- Pasrawungan ing kampung bisa sumadulur manawa para wargane padha duwe tepa slira, ing antarane siji lan sijine padha ajen-Ingajenan lan padha gelem nindakake gotong royong ngayahi kebutuhane kampung.
- Ngedohi larangan lan nindakake dhawuhe Gusti Allah iku diarani takwa.
- Yen kepengin nyingkiri anane padudon ing antarane siji lan sijine kudu dianakake musyawarah, aja nganti mung waton tumindak.
C. Ukara-ukara nganggo tembung saroja:
- gugur gunung = pakaryan negara kang sarana ngerigake wong padesan tanpa opah. - Mbangun dalan-dalan ing padesan umume katindakake sarana gugur gunung.
- bau suku bebau saka ing padesan kang nggarap sawah palungguh. - Lurah-lurah sing akeh-akeh anggone nggarap lungguhe kanthi cara masrahake marang bau suku kang piniji.
- derma bekti = panggawe kang nelakake bektine marang (negara. agama, Isp). - Para pejuang padha kepengin ngatonake darma bektine marang negara.
- tindak tanduk - patrap. solah tingkah. Ana ing pasrawungan kowe kabeh kudu tansah ngatonake tindak tanduk kang trapsila.
23
