Kaca iki wis divalidasi
- Wong sing nglantarake pagunemane wong loro sing padha dene ora mangerti basane diarani juru basa.
- Wong sing pinatah ngreksa pakuburan utawa papan sing kramat diarani juru kunci.
- Wong sing pinter memethek (memeca) sarana palintangan arane juru nujum.
- Wong sing pagaweane nindakake tulis-tinulis ana kantor-kantor arane juru tulis.
- Wong sing pakaryane dadi tukang adang diarani juru dang
- Lurahing pelanyahan iku arane juru jalir.
- Wong kang duwe kapinteran tansah nganggit crita (karangan) diarani juru ngarang.
- Wong kang pakaryane ngumpulake pawarta, kang calon kapacak ing ariwarti iku arane juru warta.
C. Kang kasebut ing ngisor iki pakaryane:
- Jlagra iku wong sing pakaryane gawe piranti saka watu.
- Gemblak iku wong sing pakaryane gawe dandanan saka kuningan.
- Greji iku wong sing pakaryane njait sandhangan
- Gamel iku wong sing pakaryane ngopeni jaran.
- Blandhong iku wong sing pakaryane negori kayu.
- Sayang iku wong sing pakaryane gawe dandanan saka tembaga.
- Pekathik iku wong sing pakaryane nuntun/ngaritake jaran.
- Blantik iku wong sing pakaryane adol raja kaya.
- Kusir iku wong sing pakaryane nglakokake andhong utawa dhokar.
- Masinis iku wong sing pakaryane nglakokake sepur.
- Pilot iku wong sing pakaryane nglakokake montor mabur.
- Kondhektur iku punggawa sepur utawa bis kang pinatah mriksa karcis.
- Niyaga iku wong sing pakaryane nabuh gamelan.
- Waranggana iku wanita kang nembang mbarengi gendhing gamelan.
- Dhalang wong kang nglakokake sarta nyritakake wayang.
- Penyumping wong kang pinatah nata wayang ana kelir sadurunge padhalangan diwiwiti.
20
