Kaca iki wis divalidasi
- Kanggo ngentasaké rakyat saka bebaya kuwi, Pamaréntah Indonesia ada-ada mbangun apa?
- Kapan Bapak Presiden ngresmèkaké bendungan kuwi?
- Généya bendungan Jatiluhur kuwi diarani wadhuk utawa bendungan serbaguna?
- Apa baé pigunané Wadhuk Serbaguna Jatiluhur?
II. Tuladha:
a. Pamaréntah ada-ada gawé wadhuk, jenengé Wadhuk Serbaguna Jatiluhur. Wadhuk yaiku tlaga gawéan.
b. Ing jero wadhuk ana jat-jat kang mbantu ngrancangaké pangejuring pangan.
Wadhuk yaiku pérangan njero weteng papan kanggo ngejur pangan.
Wadhuk kang ateges tlaga gawéan, lan wadhuk kang ateges pérangan njero weteng papan pangejuran pangan, kuwi jenengé tembung homonim. Yaiku tembung padha sing tegesé béda.
Mara, gawéa ukara nganggo tembung-tembung homonim ing ngisor iki!
- a. sampun = aja b. sampun = uwis
- a. aos = mentes b. aos = aji, rega
- a. aji = rega b. aji = ratu
- a. beton = isi nangka b. beton = caruban semèn lan krikil
- a. bledug = lebu katut angin b. bledug = anak gajah
- a. buk = ora bathi ora tuna b. buk = urung-urung
- a. laya = rusak, sirna, mati b. laya = panggonan
56
