Kaca iki wis divalidasi
Sumbaré kukila kang degsura
”Sapa baya kang wani prang tandhing.”
Nora ngerti yèn ngisor ana janma
Ribut riwut nggoné masang jaring
Dahat suka kaki juru pikat.
Dupi mulat jaringé ngenani
Batiné, ”Eh branjangan keparat,
Aja sira nglawan marang mami.”
Juru pikat ngungalaké dhadha
Kurang wewéka tiba kesandhung
Samengko lagi rumangsa papa
Tangané tugel sikilé putung
Sambat melas asih juru ngala
”Ah, banget kumalungkung aku iki
Yektiné: manungsa titah ina,
Sing kuwasa mung Gusti pribadi.”
(Subagijo Ilham Notodidjojo,
GURITAN, Suripan Sadi Hutomo)
23