Kaca iki wis dikorèksi
Vighna
Tresna Nglegena
Tan malih jejering panggalih
Daktitipake madu arupa rindhu
Kang asih
Prasasat udan ing plataran kang ora mawujud
Njelma kembang wangi kang rungkud
Njur ngrembuyung disengkuyung
Aja kuwatir bakal sumingkir
Aja samar bakal nyamar
Aja ajrih bakal sesulih
Iki kang awujud tresna nglegena
Tan bakal neka-neka
Mung arupa rasa
Kang ora bisa sirna
28
KRAKITHA KALAH WEGIG
