Kaca iki wis divalidasi
- Déné jamuné: oyod garut 2 wit, adas pulawaras sajimpit, brambang 1, kayulegi sadriji, dikumbah resik, kabèh kadheplok, binanyonan sathithik, kaperes disaring, banjur diombekake watara sasendhok mangan.
- Godheng dhadhapsrep 5 lembar, upa (sega) watara sapulukan, banjur karemed, binanyonan sawatara, banyuné kasaring, banjur kaombekake watara saséndhok mangan.
- Bonggol puspanyidra rong jempol, adas pulawaras nyajimpit, didheplok binanyonan, kaperes disaring diuyahi sathithik, banjur kaombèkaké watara saséndhok mangan.
- Yen banjur lara hulu atiné, tambanana : kulit dlima putih, godhong poo, kambeng pala, kabèh kapipis nuli tapelna ing hulu atiné.
- Godhong lampes, godhong sémbukan, godhong trawas, botor putih, kedhawung, ketumbar, brambang, kèh sathithiké sapantesé baé, beras sajimpit, kabèh dipipis, banjur kanggo tapel.
No. 90. Tamba bayi mutah-mutah ising-isingen.
- Godhong uncang lan godhong poo sapantesé kapipis binanyonan sawatara, banjur dipupukaké ing mbun-bunan, sarta ing sikilé dlamakan, tangan terus ing èpèk-èpèk, lan godhoh kuping, kawedhakna kang rata.
- Kembang suruh 5 iji, tuma 3 iji, kawenyed binanyonan sathithik, banjur dicekokkaké.
- Woh pala sakembangé, santen kanil, jinten putih, kulit dlima, jaé 3 iris, kabeh kapipis, dibanyoni anggur, nuli dipopokaké hulu atiné.
No. 91. Pakaryan (pangupajiwa) kang Jodho lan dhedhasaraning wataké bocah, murih tumeka ing kabegjan, miturut dina lahiré.
Yèn lahiré ing dina :
| Akad | jodhoné | : | ulah tetanèn lan nenukang. |
| Senén, | " |
ulah praja lan ngawula. | |
| Slasa, | " |
ulah kaprajuritan lan ngambah segara. | |
| Rebo, | " |
ulah kapradhatan (pengadilan) lan gendhing. | |
| Kemis, | " |
ulah kapandhitan lan tetanèn. | |
| Jumuah, | " |
ulah dagang lan tetanèn. | |
| Sabtu, | " |
ulah kapujangan lan tetanèn |
55
