Kaca iki wis divalidasi
- Utawa nganggo pilis singgul, yaiku dlinggo, benglé, kunir, jinten ireng, lempuyang, ketumbar, mesoyi, énggot ajar, isi seprantu kapipis banjur kapilisaké, yèn ora kraket binanyonan sathithik.
- Lan uga wewedhakan : dlingo, benglé, kúnir, Jinten ireng, lempuyang, kemukus, mesoyi, kayuangin, kayutimur, seré, tegari, ganti, kencur, kemukus, cengkèh, sintok, cendana, banjur kadheplok dadi siji kaulet diglintiri cilik-cilik, sarta kaepé nganti sasal lawasé, déné panganggoné dijèri banyu kanggo wedhakan.
- Yen wis oleh 40 dina, jejamuné yaiku mungsi, cabé, kemukus, klabet, jinten ireng, kayu jang-jang, kedhawung binakar, kembang pala, podhi sari, murmak daging, sintok, seprantu, getah pelang, pulasari, kayu legi, godhong trawas, jenitri, kembang lawang, kapipis binanyonan banjur kaombe.
No. 77. Tamba payudara supaya deres wetuning banyu susu lan yèn kena lelara
- Oyod pari, oyod kangkung, adas pulawaras, keningar, kapipis lembut banjur kawedhakaké ing payudara, supaya deres wetuning banyu susu.
- Temulawak diparut, godhog karuk, tawas, ragi, kayulegi, brambang, kapipis banjur kawedhakaké ing payudara supaya deres wetuning bayu susu.
- Payudara sandhanen, tambanana godhong kecubung, adas pulawarasa, brambang, kembang abu, kapipis binanyonan cokak Jawa, yèn arep kanggo, dienget nganti mangaet - mangaet, banjur diwedhakaké ing payudara.
- Payudara mentheng - mentheng abang krasa lara utawa abuh, tambanana pala digodhog, sarta kullting dlingo kapipis, banjur ditutul - tutulaké kang lara nganggo gombalan.
No. 78. Tamba Tapel lan pupuking bayi
- Jeruk pecel 1, enjet, lenga putih, diulet banjur ditapelake.
- Adas, brambang, kadhawung, dibakar, kayu angin, kayu uiet - ulet (kayu ules), temulawak, godhong lapes, godhong sembukan, asem ireng, banjur kapipis, kanggo tapel.
- Yèn sore pupukedlingo, benglé, brambang, kunir, kapipis, banjur kapupukaké, dené anggoné mupuki, ing saben dina ésuk soré, nganti bayi umur 14 sasi.
50
