6 Sasi Apem kocor, yaiku glepung beras dicolok ragi tanpa gula, nanging pandhaharé nganggo juruh santen.
7 " Jenengé tingkep, mriksanana slametan tingkepan ing No. 56 ing ngisor iki.
8 " Bulus angrem, yaiku klepon ditutupi srabi putih kakurepaké, Srabi = bulusé, kelpon = endhoge kang diangremi. Klepon kang digawé glepung ketan dijèri banyu diwenehi godhong katu utawa pandhan, utawa kara, diglindhing ing jero nganggo gula dikrawu. Déné srabi sing digawé glepung beras nganggo krambil dijer ing pangaron diolah ing sangan ditutupi.
9 " Jenang procot, yaiku glepung beras dicuri gula santen, kajenang, yèn wis satengah mateng, banjur didèkèki oncèk: oncèkan gedhang wutuhan, yèn wus maleng diwadhahi takir.
Déné yèn wus 9 sasi tanggal tuwa lèk 10, durung krasa ngalarani, dislameti dhawet plencing, kang digawé pathi onggok digulani santen, didol, kang tuku bocah, nganggo dhuwit wingka, sanalika dhawété kudu diombé, yèn wis diombé, bocah mau banjur lumayu mlencing.
Katrangan : Yèn meteng mendeking, yaiku meteng kaping 3, 5, 7 sabanjuré, (meteng tiba ganjil) slametane nganggo sega loyang (sega garing didang), kayuné galar ambèn, supaya suda rekasané lan slamet, marga meteng mendeking iku luwih rekasa anggoné nglahtraké Jabang bayi.
Yèn nggarbini (meteng 7 wulan), mbanjur tingkeban katibakaké dina Rebo utawa Sabtu, ing tanggal ganjil sadurungé tanggal 15.
Kang nggarbini disirami lan dikramasi, déné adusé nganggo siwur kang isih ana kambilé, (kambilé ora dicukil), adusé nganggo banyu sekar setaman (banyu didèkèki kembang). Dikosoki glepung beras mancawarna (warna 7) diwori mangir, pandan wangi lan godhong kemuning, kang ngedusi dhukuné utawa sanak saduluré. Déné lungguhé ing dhingklik dilèmèki klasa, lan godhong - godhongan apa-apa, kluwih, kara, dhadhapsrep, alang-alang lan lèmèk kang bangsa sembet yaiku: lètrèk, jingga, banguntulak, sindur, sembagi, slèndhang lurik puluhwatu, yuyusekandhang lan lawon.
Déne sajèné:
1. Sega Janganan lan jajan pasar.
2. Jenang abang, putih, baro - baro lan Jenang procot.
3. Sega garing, kedhelé, kacang lan wijen digoreng sangan banjur digongsa.
38.
