Prayoga turu sawisé Jam 1 bengi, sarta maca donga Ashadu sadat mutahar, si bapa kang murba wisésa, si buyung kempaling iman, si anak pencaring
jama. Pangéran panalagama, kang bisa ngrata jagad, nyirep sakèhing penyakit, Pangeran karya kekuna, kang tulèn sajroning tulis, kang urip tan kena lara pati,
urip langgeng purbawasésa, ya ingsun kang bisa ngucapake pasangat mutahar, ya ingsun Pangeran Purbaya, ingsun kawulané. Ashadu sadat sanghyang, kawula bumi jung langit, apa isiné, manungsa sajatining karsa, herlis sajatining sidik amanat tablèg, herna sajatining lawang rat gumilang. Ashadu sadat rohiman jati, sabeneré manungsa maya, Pangéran puter siwalan jatining tunggal, Ashadu sadat Allah, tuhu yahuwa. Mukamat warangkaning Allah, bismillah tanpa kawitan, sadat tanpa wekasan, kang urip tan kena ing lara pat:, urip langgeng salawase.
Luwih becik saben bengi sadurunge jam 12, ana ing latar karo maca donga kaping 40.
Sasmita kang kawawas dening tinggal pribadi:
- Yèn sering rumangsa sayah anggoné urip, utawa rumangsa bosen ndeleng kahananing donya lan seding ngimpi lelungan mangalor, landa kurang: 3 tahun.
- Yen rumangsa kangen marang kang wis padha tinggal lan sering ngimpi dandan dandan omah, tandha kurang 2 tahun.
- Yèn sering weruh kang ora katon, tandha kurang 1 tahun.
- Yèn sering kasatmata sawantahing sipating netra pribadi, tandha kurang 9 sasi.
- Yèn sering krungu suwara kang ora tau krungu, kayata krungu rerasaning jim setan lan sato kèwan, tandha kurang 6 sasi.
- Yen sering mambu gandaning lelembut, ambuné kaya menyan kobar tuntung amis tandha kurang 3 wulan.
- Yen sering salin paningal, weruh banyu rupané abang, geni katon ireng, tandha kurang 2 sasi.
- Yèn panunggul lan driji manis, katekuk kapetelaké ing épék - épék, dariji manis kajungjung bisa kangkat, tandha kurang 40 dina.
- Yèn asta kawawas ing nétra karo, ugel - ugel katon pedhot, tandha kurang 1 wulan.
- Yèn weruh rupané dhéwé, tandha kurang 1/2 sasi.
- Yen wis lumuh ing samubarang, terkadang ora doyan mangan lan ora gelem turu, tandha kurang pendhak dina.
- Yen wis krasa gerah uyang terkadhang angethokaké tinja tahun lan tinja kalong utawa cacing kalung, tandha kurang 3 dina.
