- Yèn tahun sirah, windu Kawanda, rupa kethèk awak awak gramèh. wong sabrang akèh bali mring asline, wong jawa mulih marang tanah Jawa, wong dagang ora lumaku.
- Yèn tahun sirah 8, windu Tirta, rupa pasiran nganggo sungu, ana Satriya jumeneng, akèh wong kang golèk curiga. Yèn tahun sirah 9, windu Séta, rupa bangkong nganggo jalu akèh wong adu - adu.
- Yèn tahun 10, windu Baya, rupa baya, owah préntahing ratu lebu papan tulis.
Jupuk saka sirahing tahun lan pasaran, yaiku 1. Eka sad pon. 2. Dwi sapta wage. 3. Tri asta Kliwon. 4. Catur nawa manis. 5. Panca windu paing.
Eka, sawiji, yèn tahun sirah 1, sasi sura tanggalé pon manoné manuk merak, terlayané akeh lindhu.
Sad nem, yèn tahun sirah 6, sasi sura tanggalé pon manoné manuk branjangan, terlayané sapi kebo akèh mati.
Dwi loro, yèn tahun sirah 2, sasi sura tanggalé wagé, manoné manuk gagak, terlayané wong sesawah ora kameton.
Sapta pitu, yèn tahun sirah 7, sasi sura tanggalé wagé, manoné manuk ulung, terlayané ana perang gedhé, mantri bupati akèh rusak.
Tri telu, yèn tahun sirah 3, sasi sura tanggalé kliwon, manoné manuk manyar, terlayané gunung akèh longsor.
Asta wolu, yèn tahun sirah 8, sasi sura tanggalé kliwon, manoné manuk kuLika brenggi, terlayané jim peri brekasakan akèh rusak padha ngalih panggonan.
Catur pat, yèn tahun sirah 4, sasi sura tanggalé legi, manoné manuk beri, terlayané segara umob geter pater padha muni, Iwak akèh padha mati.
Nawa sanga, yèn tahun sirah 9, sasi sura tanggalé legi, manoné manuk cabak, terlayané kekayon akèh rusak padha sempal rungkat dening angin.
Panca lima, yèn tahun sirah 5, sasi sura tanggale paing manoné manuk bidho, terlayané akeh grahana rembulan, pagering ing ngawang-awang, manuk déwata akèh rusak.
Windu sepuluh, yèn tahu tanpa sirah, sasi sura tanggalé paing, manoné nanuk kokokbeluk, terlayané Ratu akeh ngalih kadhaton Pandhita ngalih saramané.
Katrangan Tegesé tahun sirah yaiku ngarani angkané tahun kang mburi dhewe (tahun Jawa), umpama tahun 1879 ꦪ ꦝ ꦭ ꦪ tahune sirah yaiku 9. (ꦪ).
220
