Kaca iki wis divalidasi
No. 309. Tahun sirah.
- Eka bumi, gumingsir. Yen ana ratu jumeneng ing tahun sirah 1, supaya tulus panjenengané lan kerta negarané ngaliha kedhaton.
- Dwi sawah, sonya kang jalma agung sungkawa. Yèn ana ratu jumeneng ing tahun sirah 2, larang pangan, sarta ana perang gedhe.
- Tri gunung pandhita sah saking sasananira. Yèn ana ratu jumeneng ing tahun sirah 3, sring srulaya lan sentanane, akeh kang padha mungkir.
- Catur sagara, palwa remuk kelem toya. Yèn ana ratu jumeheng ing tahun sirah 4, ora yuwana panjenengane.
- Panca tawang, wataking wreksa gumingsir. Yèn ana ratu jumeneng ing tahun sirah 5, ana pagering gedhé, larang pangan.
- Sad panggonan, jalma suka manahira. Yèn ana ratu jumeneng ing tahun sirah 6, harja kreta negarane, murah sandhang pangan.
- Sapta perang, déwa yeksa geng sungkawa. Yen ana ratu jumeneng ing tahun 7, ora yuwana panjenengané, sarta ana perwang gedhe
- Asta kayangan, raja rengga bratayuda. Yèn ana ratu jumeneng ing tahn sirah 8 yuwana panjenengane, nanging ana perang gedhe
- Nawa dahana, marga sonya tanpa saba. Yên ana ratu jumeneng ing tahun sirah 9, tan yuwana panjenengane. larang pangan lan ana perang gedhe.
- Dasa raja, jalma yeksa suka-suka. Yen ana ratu jumeneng ing tahun sirah 10, angluwihi harja kerta negarane.
No. 310. Windu sirah.
- Yen tahun sirah 1. Windu Angkara, rupa walang genjor, wong cilik akeh susah.
- Yen tahun sirah 2, windu Manila, rupa lutung, wong sabrang akeh ngajawa, wong jawa akeh layar marang sabrang.
- Yèn tahun sirah 3, windu sengara, rupa buta nganggo telalé, buta perang lan wanara.
- Yen tahun sirah 4, windu Murka, rupa wabru, gajah lanang nganggo siyung lan cakar penjenengane ratu kereng tur sathithik adile."
- Yen tahun sirah 5, windu Mangkara, rupa nredaya, naga nganggo suwiwi lan jamang, akeh wong lali marang sanake.
- Yen tahun şirah 6, windu Manggada, rupa macan nganggo lar, kencana perang karo kencan, wong sih sinisihan lan kadange, murah sandhang pangan.
219
