- Tahun Wawu, tanggal 15 Pasa, dina Saptu utawa malem Saptu jam 8 utawa 11, mung enték separo utawa entek kabèh, sakehing nagara bakal padha santosa, akèh wong padha olèh pangkat.
- Tahun Alip tanggal 15 Sa'ban, dina Akad utawa malem Akad, jam 9 utawa 11, mung entèk separo, para Ratu gedhe-gedhé padha paprangan.
- Tahun Ehe, tanggal 15 Sapar dina Selasa utawa malem Selasa jam 8 utawa 10, mung entek separo, wong wadon duwe anak akeh kang mati, nanging negarane santosa, murah beras pari.
Yen mentas ana grahana srengenge utawa rembulan, murih slamet, kudu salat lan adus dhisik. Yèn grahana rembula dongané : nawétu gusula likusufil komori ilahi tangala. Sawisé maca donga banjur adus, rampung adus banjur salat dongané Usoli sunatan likusufil komari rokngataheni tangala, allahuakbar.
Déné yèn grahana srengéngé, donga adus lan salaté padha bae kaya kasebut Ing ndhuwur, mung bae kang muni komarl, diganti sams! (tegesé samsi = srengéngé, komari, = rembulan ).
Déné salate rong rekangat kaya salat sunat, sawisé takbiratullkram maca donga iftitah, tangawud patékah lan surat-surat liyane sakarépe, banjur rukuk, tangi saking rukuk maca patékah, banjur sujud karo maca tasbèh nuli ngadeg, rekangat kang awal, bakda patékah maca surat-surat sakarepe, nuli rukuk, tangi saking rukuk, maca patèkah lan surat-surat sakarpé, nuli rukuk lan sujud, maca takyat nuli salam.
Terangé; ngadeg kapindho, wacané saben rekangat loro, rukuk pindho, sujud pindho, takyat pindho, salam sapisan.
Yen lintang kumukus manggon ing :
- Wétan, ana Ratu prihatin para Bupati sahandhahane padha susah, wong padesan padha karusakan, akèh udan, beras pari murah, mas inten larang.
- Kidul wétan, ana Ratu séda, wong padésan akèh ngalih panggonan, larang udan, wowohan padha runtuh, akèh pagering (lelara), larang beras pari murah kebo sapi.
- Kidul, ana Ratu seda, para Bupati shandhahane padha pancakabah, akèh udan, wowohan ndadi beras pari, kebo sapi murah, nanging wong padeśan padha prihatin.
- Kidul kulon ana Ratu séda, wong désa padha oleh kabecikan, wowohan ndadi, murah beras pari, kebo sapi akeh mati.
169
