Kaca iki wis divalidasi
- Rejeb awan, pageblug raja kaya. Bengi ing padésan akèh durjana, banjur padha ngalih panggonan.
- Ruwah awan, akèh lelara lan larang pangan. Bengi, akèh wong seneng lan murah sandhang pangan.
- Pasa awan, wong padésan padha tukaran. Bengi wong padėsan akèh padha ngalih panggonan.
- Sawal awan, wong padésan padha prihatin. Bengi, wong padesan padha tukaran, akeh kang mbangkang préntah.
- Dulkaidah awan, akèh supatané wong tuwa, wong agung padha sulaya, wong padésan akeh padha lali maring wong tuwane, Bengi akeh wong mati lan ngalih nagara.
- Besar awan, ana pageblug, akèh dukacipta. Bengi, akèh udan sarta nemu raharja suka slamet sakabehe.
No. 236. Ngalamaté grahana.
Yèn ana grahana srengéngé utawa rembulan ing sasi :
- Sura, akèh reretu, wong padha mungkir marang Allah.
- Sapar, akèh angin pancawara, larang udan, larang beras pari.
- Mulud, akèh udan angin sindhung riwut, tatanduran akèh rusak ing padésan katrajang pageblug, akeh wong mati, wong agung prihatin.
- Rabingulakir, akeh rurusuh, wong sugih susah, wong miskin akeh ngalih panggonan.
- Jumadilawal, akeh kilat tatit liliweran banjir bandhang akeh dahuru.
- Jumadilakir, nemu harja, tan ana sakara-kara.
- Rejeb, ana paprangan, akèh durjana paceklik.
- Ruwah, ratu lan wadyabala sulaya, suda rijekine.
- Pasa, wong padha bungah-bungah nangning banjur ana pageblug.
- Sawal, akeh barat gedhé, panggedhé padha tukaran, akeh lelara lan pepati.
- Dulkangidah, akeh prahara sindhung riwut, akèh pitenah para prajurit padha kerengan lan rowang.
- Besar Allah paring rahmat murah sandhang pangan.
No. 237. Wecane sayida Hurerot.
Yen ana grahana srengenge utawa rembulan ing :
- Tahun Dal tanggal 15 Rejeb, dina Senen utawa malem Senen jam 2, mung entèk separo, sakehing nagara padha raharja, para dagang akeh untunge.
- Tahun Bé, tanggal 15 Sura; awan utawa bengl ing sadina-dinane (ora milih dina) nanging kudu Jam 11 utawa jam 1, grahana nganti entèk, iku akèh lelara.
168
