Sadurungé main ngunèkaké mantra mung dibatin baé, anggoné ngunèkaké mantra ana ing latare' omah kang arep kanggo main, mangkéné: mantrané, Dhanyang merkayangan lanang wadon kang rumeksa ing désa kéne, aku arep main, réwang rewangana aku aja nganti kalah, sukur bagé Sawuse banjur tumenga ing ngakasa (dhuwur), tumungkul ing pratiwi (ngisor), sarta njejak lemah kaping 3.
Yèn kasembadan menang banjur ngirim sega putih ganda arum marang dhanyang merkayangan kang manggon ing désa kang kanggo main, tegesé lukutug nganggo menyan madu (menyang putih), sarta dimantrani. Saupama anggone main ana ing désa Kuthasari, mantrane: Dhanyang merkayangan lanang wadon kang rumeksa ing désa Kuthasari, aku ngelsanani janjiku ngirim sega putih ganda arum, hong ya mret, hong ya mret. Menyan kadamu kaping 3, banjur kacempungaké ing geni padupan utawa anglo kang wus ana geniné mengangah sarta terus diadhepi nganti saentèké menyan.
Lamun keduten.
- Saranduning awak kabèh, arep deleng kaéndahan.
- Sirahé, arep olèh dahulaté ratu.
- embun - embunan, arep dadi mantri.
- Bathuk tengen, arep olèh arta.
- Bathuk kiwa, arep nemu suka.
- Alis tengen, arep olèh arta.
- Alis kiwa, arep katemu kakasihé.
- Tlapukan mripat tengen dhuwur, arep olèh arta.
- Tlapukan mripat tengen ngisor, arep nemu kasusahan.
- Tlapukan mripa kiwa dhuwur, arep olèh kabecikan
- Tlapukań mripat kiwa ngisor, arep nangis.
- Tadhahluh tengen, arep nangis
- Tadhahluh kiwa, luwar saka prihatin.
- Papadoning mripat tengen, arep ningali kakasihé.
- Papadoning mripat kiwa, arep kasusahan.
- Wrejilané mripat tengen, arep nangisi wong mati.
- Wrejilané mripat kiwa, arep ningali wong saka desa.
- Pipi tengen, arep dipanggawé wong.
- Pipi kiwa, arep lara.
- Irung sisih tengen, arep olèh arta kalal.
- Irung sisih kiwa, arep ketemu kakasihé.
- Lambé tengen dhuwur, arep oleh srama (pangan).
- Lambé tengen ngisor, arep kapénak awaké.
156
