Kaca iki wis divalidasi
No. 203. Pigunané manuk Platukbawang.
- Cucuk dhuwur kanggo nyepuh gegaman marakaké ampuhing gegaman.
- Cucuk ngisor kanggo sisig, marakaké kuwat untune.
- llat dipangan, marakaké pinter micara.
- Mata digantung sajroning omah, marakaké betah melek.
- Wulu endhas didékékake ngisoré turu bocah cilik, ingedohan lelara.
- Endhas ginawa perang, den wedeni mungsuh.
- Polo kanggo pupuh mripat, ingedohan lelara,
- Polo diwor karo kambil ijo banjur diklentik, lengane dienggo lelengan marakaké tuwuh ketel ndadi rambute.
- Polo pinangan, marakaké kinasihan wong akeh.
- Getih digarengaké kanggo pupuh mripat, marakaké awas lan ora bisa lamur.
- Dhadha pinangan, yén lara énggal saras, becik.
- Brutu pinangan, dén diwedeni wong.
- Gulu pinangan, derman anak- anak.
- Lar kiwa kanggo kili kuping, marakaké ora budheg.
- Lar tengen dikandhut ana ing sabukan, kinasihan wong akeh.
- Lar tengen yén didékekaké ngisor turu, marakaké kerep tangi.
Apadéné yen dipendhem ing lemah sangar ing padon (pojok) kidul wétan lan lor wétan, nanging aja nganti luwih 8 lembar (lar 8), lemah mau dadi tawa. - Suwiwi dipangan, marakake kukuh atine.
- Suwiwi diwor lenga klentik kanggo urut, nyarasaké lara bésér. Apadéné lenga mau isa marasake lelara : pathek, gudhig, lan kadhas kudhis.
Lenga kalèlèt-lèlètaké nganggo wulu. - Sikil kapendhem ing sawah utawa ing tegalan, marakaké lulus kang sarwa tinandhur, yèn ginawé tamba lara busung, gelis waras.
- Kuku kanggo sirepé wong lara, énggal waras, yèn pinangan kinasihan wong wadon.
- Jantung pinangan, anggangsaraké apa kang sinedya.
- Rempelu dikum, banyune diombe, marakaké betah lumaku adoh.
- Pringsilan dipangan, kinasihan garwa lan guruné.
- Brutu pinangan wong wadon, kinasihan kakungé.
- Brutu lan wuluné gulu kaobong, awuné pinangangan wong wadon marakake endhahing warna.
148
