Kaca iki wis divalidasi
- Cabé lempuyang, godhong jeruk pecel, cengkeh, pala, mrica, sada aren, kajang tuwa, uyah 3 wuku, binanyonan banjur kagodhog, kanggo wédangan.
- Cabe lempuyang, kunir, godhong suruh saoyode, oyoding suket teki, bonggol nampu, binanyonan banjur kagodhog, kanggo wedangan.
Katrangan : Kang kasebul ing dhuwur mau, paggodhoge kang umob nganti tanak, upama banyuné sacerét kebak, kakérekaké saparoning ceret, déné akéh sathithiking adon-adonan lan akeh sathitihiking banyu, kamurwata saprayogane. - Damar séla, pijer kemasan, kapipis kang lembut binanyonan, banjur kaombe.
- Arés gedhang séba, sulur tembako, jeruk linglang (kingkit) kapipis kang lembut banyune kaombe.
- Ilèr ireng, kunci, maja-maju, kemukus, kapipis dilengani wijen, banjur kadhadhar ing wayah sore.
- Atining nanas, luwih becik yèn kang ijih pentil, kadhadhar.
- Kikil kebo, sapi, utawa wedhus, diolah bumbu jahe, kang kapara akeh jahene, saben saminggu dhahar sapisan ulawa pindho.
- Krécék utawa rambak, kadhadhar saben dina luwih becik.
- Daging menyawak, bawang lanang 7 bungkul, kagoreng lenga wijen, banjur kadhadher, déné lengané kaurutaké dhakaré lan padharané
- Buntut wedhus lanang, dijarangi, kaklocop kulité jupuké balunge kang nom, banjur cacahen kang lembut, diadoni adas pulawaras, banjur kadhadhar nganggo gedhang mas.
- Madu Arab sasendhok dhahar, samin uga sasendhok dhahar, mrica sasendhok teh utawa luwih sathithik, lan endhog ayam mentah 2 rajangan godhong kucai kang lembut, kabeh mau kacampur dadi siji, kawadhahan gelas kaublak, banjur kadhahar saben loro utawa telung dina sapisan.
- Endhog ayam ireng mulus mentah, karo bawang kadhahar.
- Lung riwana, uyah kewak 7 jumput, kapipis kang lembut, banjur wedhakna ing dhakare saben ésuk.
- Sidawayah, jahakeling, pala, pucuk, ganthi, jeruk purut, lanceng, kapipis lembut diwori powan sapi utawa wedhus sathithik, banjur wedhakna ing dharaké.
- Planangan pilik walik, olan-olan dhadhap, lajer bendungen, alu pepet, sada lanang, godhong teter, kabeh kapipis lembut, banjur winadhahan terong ongor kang wis tuwa banget kang rupané kuning, terong ongor mau isiné dibuwang kang resik, diwuwuhi ragi, banjur diindel ing wangan nganti umob, diwuwuhi manèh landha awuning duk lan dhuku, lan banyu wayu sathithik, banjur kakilèkaké ing bolonganing dhakar nganggo wulu.
146
