Kaca iki wis divalidasi
- Godhong suruh, adas saséndhok teh, pulasari sadriji, kadheplok sarta dibanyoni sacangkir, banjur kaperes, kaombé ing wayah tangi turu esuk sadurungé memangan ngombé apa-apa.
- Godhong kemrunggi kapipis, banjur kaperes diuyahi sathithik, banjur kaombe.
- Godhong meniran saoyodé, oyod besaran, oyod alang alang, pupusing pring ampèl godhong kasih, murmakdaging, tebu ireng, kemukus, bung glonggong, adas pulawaras, kayulegi, kapipis binanyonan landhaning merang ketan ireng, diuyahi sathithik banjur kaombe.
- Godhong timun, adaspulawaras, brambang, kapipis binanyonan banjur kaombe.
- Oyod sidaguri, oyod papasan, pupusing pring ampèl, bung glonggong, adas, pulawaras, temu, brambang, kapipis lembut binanyonan banjur kaombé
- Oyod asem, oyod tebu mangli, oyod slèdri, godhong keji, secang, kayu anyang kaobong, kapipis lembut binanyonan banjur kaombé, ampase kanggo wedhak wiwit puser sakiwa tengene mangisor tekan pelandhungan.
- Godhong jarak abang, brambang, kapipis banjur kagodhog, yen wis manget manget banjur kanggo wedhak wiwit puser sakiwa tengene mangisor tekan pelandhungan.
- Godhong po'o, adas pulawaras, brambang, kapipis lembut, banjur kanggo wedhak wiwit puser sakiwa tengene mangisor tekan pelandhungan.
- Godhong posor, adas pulawaras, brambang, kapipis lembut, banjur kanggo wedhak wiwit puser sakiwa tengene mangisor tekan pelandhungan.
- Godhong semanggi, adas pulawaras, kapipis binanyonan powan sapi, banjur kanggo wedhak wiwit puser sakiwa tengene mangisor tekan pelandhungan.
- Pelandhungan abuh wedhakana serenging kullit jeruk gulung kang setengah tuwa.
No. 201. Tamba wong lanang, (kekualaning saresmi)
- Godhong jakatuwa lan kajar angkrik binanyonan banjur kagodhog kanggo wedhangan.
- Godhong cung cung beluk, adas pulawaras, temu, brambang binanyonan banjur kagodhog kanggo wedangan; ampase kanggo tapeling padharan.
- Godhong japrusa (Jayapurasa) saoyode, karo adas pulawaras, oyode didhedhegi dhisik, binanyonan banjur kagodhog kanggo wédangan.
145
