Kaca iki wis divalidasi
No. 199. Sumur supaya enak banyune.
Yèn gawe sumur ukurane' gulon klambine kang arep gawe' sumur, kaukur saka pinggir bebatur pawon, sisih (iring) lor tumeka sumur sisih (iring) kidul. Pétungané tlaga, kali, segara, sendhang.
Yen tiba Tlaga, banyuné anta. Kali, sring kacemplung babathang. Sagara, banyune asin. Sendhang, banyune enak, seger, nanging asat, becik milih kang tiba sendhang.
No. 200. Tamba Raja Singa (Bengang )
- Jongrahab, adas pula waras, brambang godhong cengkèh, kayu angin, diwori bung wulung nanging dibenem nganti dadi awu, binanyonan banjur kagodhog, kanggo wédangan.
- Godhong meniran saoyode, godhong urat, godhong srigadhing, kayu angin, jongrahab, adas pula waras, brambang binanyonan banjur kagodhog kanggo wédangan.
- Godhong meniran satekem saoyode kunci 5 iris, ketumbar 20 iji, jinten ireng binanyonan banjur kagodhog, kanggo wédangan.
- Oyod jambe, areng jati, murmakdaging, binanyonan kagodhog kanggo wédangan.
- Awu bénda ijo, binanyongan kagodhog, kanggo wédangan.
- Oyod besaran, oyod alang-alang (dlejeg alang-alang) oyod keji, kayu anyang kaobong kajupuk awune, binanyongan kagodhog kanggo wédangan.
Katrangan Kang kasebut ing dhuwur mau, panggodhogé kang umob nganti tanak, upama banyune saceret kebak kakèrèkaké separo cèrèt, déné akèh sathiking adon-adonan lan akèh sathithiking banyu, kamurwata saprayogane
- Degan kambil ijo, dileboni kemukus 3 iji, bawang 4 siung. Degan mau banjur kabenem, ing wayah bengi diebun ebunáké kadèkèk ing payoning omah. Ing wayah jam 6 ésuk kajubuk terus kaombe, sarta ing sadurunge ora kena memangan lan ngombé apa-apa.
- Godhong ilatbaya dioncèki kakumbah kang resik, kapipis bnjur digulani batu samurwaté, kawadhahan ing pinggan (tuwung) utawa wijikan, ing wayah bengi dibun bunake kadèkèk ing payoné omah. Ing wayah jam 6 ésuk kajupuk kaperes banjur kaombé, ing sadurungé ora kena memangan lan ngombé apa-apa.
- Bawang sabungkul, oyod waringin satekem, oyod tebu ireng satekem, oyod suket lulangan satekem, kapipis binanyonan sathithik, kawadhahan ing lodhong, diwori tengkuwèh samuwate, ing wayah bengi dibun - bunake, ing wayah jam 6 ésuk kajupuk terus dlombé, ing sadurunge ora kena mamangan lan ngombé apa-apa.
144
