Miturut wiwite ing dina lan pasarané, neptuné digunggung banjur kapétung padu demanggung, sanggarwaringin, mantrisinoraja, macan ketawang, pati.
Yèn tiba : padu, gawé bango, Demangagung, gawé kandhang. Sanggarwaringin, gawé langgar, Mantrisinaroja, gawe omah mburi. Macanketa-wang, gawé omah ngarep. Patl, gawe pager.
Katrangan Neptuné dina lan pasaran ing bab pétungan no. 177, 178, 179 lan 180 ing dhuwur iku, miturut kasebut kaca 7 No. 2.
Kang becik yaiku: Akad, ngedegaké, mayu utawa ngelih omah, Senèn, pawon, Selasa, lesung. Rebo, kandhang. Kemis, pandhapa. Jumuah, langgar. Saptu, pringgitan.
Ngisoring saka guru dèkèkana godhong elo, alang alang, dhadhap maja lan godhong dhuwet. Yèn tanpa purus, saka guru kang ana lor wétan kapanteka
kayu jati, kang kidul wétan kapantèka kayu dhadhap srep, kang kidul kulon kapantèka kayu awar awar, kang lor kulon kapantèka kayu waru. Anggoné ngedegaké kawitan saka ing lor wétan, banjur kidul wétan lan sauruté. Déné ing tengah jogan pendhemana kayu dhandhap srep ngadeg lan kendhi anyar kebak banyu. Dené sajèné degan ijo 2, kendhi sarakit (2) kebak banyu, jeruk gulung 2 sarta pès pèsan bekatul.
137
