Kaca iki wis divalidasi
- samestiné marang Salira Dalem, wong mau mangan lan ngombé putusané prekarané ḍéwe.
I Cor. 11 : 28, 29.
4] 284. Sing ora pantes anggoné tampa Kumini Sutji iku nglakoni dosa apa?
- Ingkang boten pantes anggénipun tampi Kumini Sutji menika nglampahi dosa ageng nradjang angker.
- „Sing sapa ora pantes anggoné mangan Rotiné lan ngombé Tuwunging Pangéran, nglakoni dosa tumrap Salira lan Rah Dalem Gusti”.
I Cor. 11 : 27.
5] 285. Apa dosa tjilik iku dadi alangané tampa Kumini Sutji?
- Boten, dosa alit menika boten dados alanganipun tampi Kumini Sutji, nanging jèn dosa alit wau boten dipungetuni, suda anggènipun nampi wohing Kumini Sutji.
5] 286. Apa ana kalané kena tampa Kumini Sutji senadjan mentas mangan utawa ngombé?
- Inggih, wonten kalanipun tijang kénging tampi Kumini Sutji, senadjan mentas neda utawa ngombé, inggih menika:
- Jèn ḍumawah ing bebaja pedjah;
- Jèn nanḍang sakit dangu, utawi ganḍéng kalijan prekawis warni-warni sanèsipun, nanging tansah kedah miturut pemanggihipun Rama-bih.
89
