Kaca iki wis divalidasi
- Anggoné Kangdjeng Biskop maringaké Sakramèn Kasantosan iku mengkéné: Pandjenengané njenjuwun Hjang Roh Sutji karsaa rawuh aneḍaki wong sing tjalon diparingi Sakramen Kasantosan; sawisé iku wong-wong mau saka sidji ditumpangi astané; batuké saka sidji didjebadi nganggo Krisma, sarta dingandikani: ,,kowé taktengeri nganggo tanḍaning Salib, lan tak sentosakaké nganggo Krismaning karahajon, kondjuk ing Asma Dalem Hjang Rama saha Hjang Putra tuwin Hjang Roh Sutji. Amin".
Piwulang kang ping telung puluh.
ÉKARISTI SUTJI.
5] 250. Ekaristi Sutji iku apa?
- Ékaristi Sutji menika inggih Kurban inggih Sakramèn, ingkang dados marginipun Gusti Jésus pijambak ngurbanaken Salira Dalem asesinglon warni roti lan anggur, binukti (dipunteḍa), sarta lestantun wonten ing ngriki.
4] 251. Anggèné Gusti jasa Ekaristi Sutji iku dèk kapan?
- Anggènipun Gusti jasa Ékaristi Sutji menika ing dalunipun ngadjengaken Sangsara Dalem, inggih menika nalika Bodjana ingkang wekasan.
- Dina Kemis Putih.
4] 252. Nalika Gusti ngasta roti, ngendika kaprijé?
- Nalika Gusti ngasta roti, ngendika:,,Pada ndjupuka lan mangana: Iki Saliraku, kang diulungaké krana kowé kabèh".
80
