Kaca iki wis divalidasi
4] 96. Kaprije anggèné Gusti Jésus mbuktèkaké, jèn Pandjenengané iku Utusan Dalem Hjang Rama?
- Anggènipun Gusti Jésus mbuktèkaken, jèn Pan- djenenganipun menika Hjang Allah-manungsa, Utusan Dalem Hjang Rama, srana nindakaken pangéram-éram katah sanget, mawi kuwaos Dalem pijambak, blak-blakan, wonten ing ngadjengipun tijang katah.
4] 97. Pangéram-éram Dalem sing gedé déwé iku sing endi?
- Pangéram-éram Dalem ingkang ageng pijambak, inggih menika: anggènipun wungu saking séda, mawi panguwaos Dalem pijambak, kados ang- gènipun sampun paring pametja.
Piwulang kang ping rolas.
SANGSARA LAN SÉDA DALEM GUSTI JÉSUS.
SANGSARA LAN SÉDA DALEM GUSTI JÉSUS.
- Prakara kang kapat:
,,Ingkang nanḍang sangsara nalika djaman- ipun Ponsius Pilatus, saha kapenṭang, séda sarta kasarèkaken".
3] 98. Anggèné Gusti Jésus wiwit nandang sangsara iku ana ngendi?
- Anggènipun Gusti Jésus wiwit nandang sangsara menika wonten ing Patamanan Djaétun.
