Kaca iki wis divalidasi
Piwulang kang ping sèket papat.
ANGGER-ANGGER KANG PING PAT.
URMAT MARANG PANGUWASA.
3] 470. Sebutna angger-angger kang ping pat!
- „Ngurmatana bapa - bijungmu”.
4] 471. Angger-angger kang ping pat iku nḍawuhaké apa?
- Angger-angger ingkang kaping sekawan menika nḑawuhaken: ngurmati bapa-bijung sarta pengageng rohani utawi djasmani.
4] 472. Kuwadjibané anak marang wong-tuwané iku apa?
- Kuwadjibanipun anak ḑateng tijang-sepuhipun menika: tresna, urmat, mbangun miturut lan nulungi ing kekiranganipun.
- „Kowé botjah-botjah, sing pada mbangun-miturut marang wong-tuwamu krana Gusti:awit iki kuwadjibanmu”.Eph. 6: 1.
4] 473. Anak sing urmat marang wong-tuwané iku gandjarané apa?
- Anak ingkang urmat ḑateng tijang-sepuhipun menika gandjaranipun: berkahing Allah wonten ing donja ngriki lan gandjaran langgeng wonten ing Swarga.
6] 474. Kuwadjibané wong-tuwa marang anak iku apa?
- Kuwadjibanipun tijang - sepuh ḑateng anak menika: ngupakara, nggulawentah tjara Katulik wonten ing grija, sarta lumantar pamulangan Katulik.
136
