Kaca iki wis divalidasi
- Pandjenenganipun sampun karsa ngangkat kula dados putranipun margi sih Dalem.
5] 446. Jèn wis sembahjang ,,Kangdjeng Rama" lumrahé bandjur sembahjang ,,Sembah bekti" iku perluné apa?
- Jèn sampun sembahjang ,,Kangdjeng Rama" limrahipun ladjeng sembahjang ,,Sembah bekti" menika perlunipun:
- tjaos pakurmatan ḍateng Kangdjeng Ibu Dèwi Marijah.
- supados Kangdjeng Ibu karsa nglantaraken panjuwun kula kondjuk ing Allah.
4] 447. Patuté sembahjang iku pendak apa?
- Pantesipun sembahjang menika:
- jèn tangi lan jèn mapan tilem;
- ngadjengaken lan bibar neḍa;
- jèn wonten ing grédja;
- jèn dipungoḍa lan jèn manggih bebaja.
,,Gusti, kula aturi muruki sembahjang".
Luc. 11 : 1.
Piwulang kang ping sèket sidji.
PANGABEKTI MARANG PARA SUTJI.
PANGABEKTI MARANG PARA SUTJI.
6] 448. Apa sebabé déné para Sutji iku pada takbektèni?
- Para Sutji menika sami kula bektèni, sebab sih- ing Allah makarja kanṭi mirunggan wonten ing para Sutji, saha para Sutji menika sakelangkung tuhu ing pangabdinipun ḍateng Sang Kristus, menapa malih sami djumeneng lantaran kula wonten ing Swarga.
130
