Kaca iki wis divalidasi
5] 441. Sing kudu taksuwun iku luwih-luwih apa?
- Ingkang kedah kulasuwun menika: langkung-langkung samukawis ingkang perlu utawi maédahi dateng karahadjengan kula pijambak utawi karahadjenganipun sesami.
5] 442. Apa njuwun barang kadonjan iku ija kepareng?
- Njuwun barang kadonjan menika inggih kepareng kémawon, nanging kula kedah sumarah dateng karsaning Allah, ingkang pirsa pundi ingkang maédahi lan pundi ingkang mitunani gesang kula.
5] 443. Pada-pada sembahjangan, endi kang nduwèni daja mirunggan?
- Sami-sami sembahjangan ingkang nggaḍahi daja mirunggan menika sembahjanganipun Pasamuwan Sutji ingkang katindakaken ing upatjaraning pangibadah umum.
3] 444. Sembahjangan kang diwulangaké Gusti Jésus iku sembahjangan sing endi?
- Sembahjangan ingkang dipunwutjalaken Gusti Jésus menika sembahjangan ,,Kangdjeng Rama". Menika sampun ngemot samukawis ingkang kedah kula suwun.
5] 445. Apa sebabé déné aku pada njebut Gusti Allah ,,Kangdjeng Rama"?
- Mila kula sami njebut Gusti Allah,,Kangdjeng Rama", awit:
- Pandjenenganipun sampun karsa nitahaken kula miturut pepetan sarta tjitra Dalem.
129
