Kaca iki wis divalidasi
- kados déné badanipun pijambak kepéngin karengkuh ing sanès.
6] 416. Kaprijé rékané anggonku kudu pada ngatonaké katresnan marang pepadaku tjara Katulik?
- Anggèn kula kedah sami ngatingalaken katresnan kula dateng sesami tjara langkung - langkung Srana Katulik menika rumeksa dateng gesang-luhuring sanès sarta asung tetulung ḍateng sanès, samangsa katjingkrangan ing prekawis rochani tuwin djasmani.
Pakarjan sih-kadarman.
6] 417. Katresnanku marang sadulur sing ora Katulik iku kudu kaprijé?
- Katresnan kula dateng saḍèrèk ingkang boten Katulik menika kedah terus ing manah; tijang-tijang wau prajogi kula sembahjangaken ingkang katah.
6] 418. Tumrap satru utawa mungsuh, Gusti Jésus mulangaké kaprijé?
- Tumrap satru utawi mengsah, Gusti Jésus dawuh: angapunten lepatipun, njembahjangaken, tuwin males saé dateng piawonipun.
- ,,Aku kanḍa ing kowé: mungsuhmu tresnanana, wong-wong kang paḍa nguman-uman lan nguja-uja uripmu sembahjangna, supaja kowé pantjèn dadi putrané Ramamu ing Swarga".
Matt. 5 44. 45.
6] 419. Dosa nerak katresnan Katulik iku kaprijé?
- Dosa nerak katresnan Katulik menika saben - saben menawi nglampahi dosa ageng;
123
